மணல் கடத்திய மாட்டு வண்டி பறிமுதல்

அரியலூர் மாவட்டம், விக்கிரமங்கலம் அருகே சாத்தம்பாடி கிராம நிர்வாக அலுவலர் தினேஷ்குமாருக்கு மாட்டு வண்டியில் சிலர் மணல் கடத்துவதாக தகவல் கிடைத்தது. அவர், இதுகுறித்து விக்கிரமங்கலம் போலீசாருக்கு தகவல் தெரிவித்தார். அதன்பேரில், விக்கிரமங்கலம் போலீஸ் சப்-இன்ஸ்பெக்டர் லோகநாதன் மற்றும் போலீசார் கண்காணிப்பு பணியில் ஈடுபட்டனர். அப்போது சாத்தம்பாடி பாப்பாத்தி அம்மன் கோவில் ஓடையில் இருந்து மாட்டுவண்டியில் மணல் அள்ளி கடத்தி வந்த 2 பேரை மடக்கிப் பிடிக்க போலீசார் முயன்றனர். ஆனால், போலீசாரை கண்டவுடன் மாட்டு வண்டியை அங்கேயே விட்டுவிட்டு இருவரும் தப்பி ஓடிவிட்டனர். பின்னர் அந்த மாட்டு வண்டியை போலீசார் பறிமுதல் செய்தனர். தப்பி ஓடிய 2 பேரையும் தேடி வருகின்றனர்.