தூத்துக்குடி அருகே மோட்டார் சைக்கிள் மோதி லாரி டிரைவர் பலியானார்

ஆந்திர மாநிலம் நிடமன்னூரு பகுதியை சேர்ந்தவர் ஆன்ட்ரீஸ் நரசன்னா என்ற அப்லு (வயது 48). லாரி டிரைவர். இவர் தூத்துக்குடிக்கு லாரி ஓட்டி வந்தாராம். பின்னர் லாரியை நிறுத்திவிட்டு கோரம்பள்ளம் பகுதியில் நடந்து சாலையை கடக்க முயன்றாராம். அப்போது அந்த வழியாக மோட்டார் சைக்கிளில் வந்த மர்ம நபர், ஆன்ட்ரீஸ் நரசன்னா  மீது மோதிவிட்டு நிற்காமல் சென்று விட்டாராம். இதில் பலத்த காயம் அடைந்த ஆன்ட்ரீஸ் நரசன்னாவை அக்கம் பக்கத்தினர் மீட்டு சிகிச்சைக்காக தூத்துக்குடி அரசு ஆஸ்பத்திரியில் சேர்த்தனர். அங்கு சிகிச்சை பலன் அளிக்காமல் அவர் பரிதாபமாக இறந்தார்.

இது குறித்த புகாரின் பேரில் புதுக்கோட்டை போலீசார் வழக்கு பதிவு செய்து விசாரணை நடத்தி வருகின்றனர்.