ரேஷன் அரிசி கடத்திய 2 பேர் கைது

நெல்லை:

பத்தமடை மைதானம் பகுதியில் போலீசார் ரோந்து சென்ற போது அந்த வழியாக வந்த மினி லாரியை நிறுத்தி சோதனை செய்தனர். அதில் ரேஷன் அரிசி கடத்தி வந்தது தெரியவந்தது. இதனையடுத்து நெல்லை உணவு கடத்தல் தடுப்பு பிரிவு போலீசார் வழக்குப்பதிவு செய்து, பத்தமடை மருதுபாண்டியர் தெருவைச் சேர்ந்த கந்தசாமி மகன் மகேஷ் (வயது 45), நெல்லை கோட்டூர் பகுதியை சேர்ந்த கணேசன் மகன் கொம்பையா என்ற மகாராஜன் (வயது 19) ஆகியோரை கைது செய்தனர்.