<
வந்தவாசி தாலுகா அலுவலகத்தை முற்றுகையிட்டு பழங்குடியினர் போராட்டம்
குடியிருக்க இடம் வீட்டுமனை பட்டா கேட்டு வந்தவாசி தாலுகா அலுவலகத்தை பழங்குடியினர் முற்றுகையிட்டு போராட்டம் நடத்தினர். போலீசாருடன் தள்ளுமுள்ளு ஏற்பட்டதால் பரபரப்பு ஏற்பட்டது.
வந்தவாசி
குடியிருக்க இடம், வீட்டுமனை பட்டா கேட்டு வந்தவாசி தாலுகா அலுவலகத்தை பழங்குடியினர் முற்றுகையிட்டு போராட்டம் நடத்தினர். போலீசாருடன் தள்ளுமுள்ளு ஏற்பட்டதால் பரபரப்பு ஏற்பட்டது.
அதிகாரிகள் நடவடிக்கை எடுக்கவில்லை
வந்தவாசி தாலுகா அதியங்குப்பம் கிராமத்தில் குடியிருக்க இடம், வீட்டுமனை பட்டா கேட்டு மலைவாழ் மக்கள் சங்க மாநில பொதுச்செயலாளர் சரவணன் தலைமையில் திரண்டு வந்து தாலுகா அலுவலகத்தை முற்றுகையிட்டு போராட்டம் நடத்தினர்.
போராட்டத்தில் தமிழ்நாடு தீண்டாமை ஒழிப்பு முன்னணி மாநில துணைத்தலைவர் செல்வன் கண்டன உரையாற்றினார்.
அதியங்குப்பம் கிராமத்தில் பழங்குடியினர், வன்னியர், இஸ்லாமியர் என 12 குடும்பத்தினர் 20 வருடங்களுக்கும் மேலாக வாழ்ந்து வருகின்றனர்.
அவர்கள் குடியிருக்கும் இடத்துக்கு பட்டா கேட்டு தொடர்ந்து பல ஆண்டுகளாக தாசில்தார், வருவாய் கோட்டாட்சியர் எனப் பலருக்கு மனு கொடுத்தும் அதிகாரிகள் நடவடிக்கை எடுக்கவில்லை.
குடியிருப்புகளை இடிக்க முயற்சி
இந்தநிலையில் நேற்று திடீரென வருவாய்த்துறையினர் பொக்லைன் எந்திரத்துடன் வந்து அங்குள்ள குடியிருப்புகளை இடிக்க முயன்றனர். அதை, மலைவாழ் மக்கள் சங்கத்தினர் தடுத்து நிறுத்தினர்.
அப்போது வருவாய்த்துறையினர் அவர்களுடன் பேச்சுவார்த்தை நடத்தினர். அதில், தகுதியான வாழ்விடத்தை ஒதுக்கிய பின், தற்போதைய இடத்தை காலி செய்து விடுகிறோம், என்றனர். ஆனால் வேறு இடம் தேடும் நடவடிக்கையில் வருவாய்த்துறையினர் ஈடுபட்டு வருகின்றனர்.
சாரை பாம்புடன் வந்தார்
இதற்கிடையே, திடீரென வருவாய்த்துறையினர் குடியிருப்புகளை இடிக்க வந்ததற்கு எதிர்ப்பு தெரிவித்தும், குடியிருக்க இடம் ேகட்டும், தகுதியான இடத்தில் பட்டா வழங்க வலியுறுத்தியும் மலைவாழ் மக்கள் சங்கத்தினர் இன்று காலை 11 மணியில் இருந்து மாலை 3 மணிவரை தாலுகா அலுவலகத்தை முற்றுகையிட்டு போராட்டம் நடத்தினர்.
போராட்டத்தில் ஈடுபட்ட பழங்குடியினர் ஒருவர் ஒரு ெபரிய சாரை பாம்பை பிடித்து கழுத்தில் போட்டு வந்தார்.
முன்னதாக அவர்கள் தாலுகா அலுவலக வளாகத்துக்குள் நுழைய முன்றனர். அப்போது அங்கிருந்த போலீசார் பேரிகார்டுகளை குறுக்கே வைத்து தடுத்தனர்.
அதை மீறி போராட்டக்காரர்கள் செல்ல முயன்றபோது போலீசாருக்கும், அவர்களுக்கும் இடையே தள்ளு முள்ளு ஏற்பட்டது. இதனால் பதற்றமும் பரபரப்பும் நிலவியது.
அச்சுறுத்த மாட்டோம்
தாசில்தார் முருகானந்தம், வந்தவாசி துணை போலீஸ் சூப்பிரண்டு விஸ்வேஸ்வரய்யா, செய்யாறு துணை போலீஸ் சூப்பிரண்டு செந்தில் ஆகியோர் வந்து, போராட்டம் நடத்தியவர்களுடன் சமரச பேச்சுவார்த்தை நடத்தினர்.
அதில், இன்னும் இரு வாரங்களில் பட்டா வழங்க நடவடிக்கை எடுக்கப்படும், வந்தவாசி தாலுகாவில் பழங்குடியினரை பட்டா வழங்கும் வரை அச்சுறுத்த மாட்டோம், என உறுதியளித்தனர். இதையடுத்து முற்றுகை போராட்டத்தை ைகவிட்டு அனைவரும் கலைந்து சென்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
