தூத்துக்குடி மாவட்டத்தில் நேற்று மேலும் ஒருவருக்கு கொரோனா தொற்று உறுதி செய்யப்பட்டது

தூத்துக்குடி மாவட்டத்தில் கொரோனா பரவலை தடுப்பதற்கான தீவிர நடவடிக்கைகள் எடுக்கப்பட்டு வருகிறது. நேற்று மாவட்டம் முழுவதும் ஒருவர் கொரோனாவால் பாதிக்கப்பட்டு உள்ளார். மாவட்டத்தில் இதுவரை கொரோனாவால் பாதிக்கப்பட்டவர்கள் எண்ணிக்கை 56 ஆயிரத்து 500 ஆக உள்ளது. நேற்று 5 பேர் டிஸ்சார்ஜ் செய்யப்பட்டு உள்ளனர். இதனால் மாவட்டத்தில் இதுவரை கொரோனாவில் இருந்து 56 ஆயிரத்து 59 பேர் முழுமையாக குணமடைந்து வீடு திரும்பி உள்ளனர். மாவட்டத்தில் உள்ள ஆஸ்பத்திரிகள் மற்றும் வீடுகளில் 30 பேர் சிகிச்சை பெற்று வருகின்றனர். தூத்துக்குடியை சேர்ந்த 72 வயது முதியவர் ஒருவர் கன்னியாகுமரியில் உள்ள தனியார் ஆஸ்பத்திரியில் சிகிச்சை பெற்று வந்தார். அவர் சிகிச்சை பலன் அளிக்காமல் இறந்தார். இதனால் கொரோனாவால் இறந்தவர்கள் எண்ணிக்கை 411 ஆக உள்ளது.