திண்டுக்கல் மாவட்டத்தில் ஒரேநாளில் 81 ஆயிரம் பேருக்கு கொரோனா தடுப்பூசி

திண்டுக்கல்:

திண்டுக்கல் மாவட்டத்தில் 18 வயது நிரம்பியவர்கள், 17¼ லட்சம் பேர் உள்ளனர். இவர்களுக்கு கடந்த ஜனவரி மாதம் முதல் கொரோனா தடுப்பூசி செலுத்தும் பணி நடக்கிறது. இதற்காக 12 மெகா தடுப்பூசி முகாம்கள் நடத்தப்பட்டன. எனினும் 2¾ லட்சம் பேர் முதல் தவணை தடுப்பூசி செலுத்தாமல் இருந்தனர்.

இதற்கிடையே நேற்று 13-வது மெகா தடுப்பூசி முகாம் நடைபெற்றது. இதையொட்டி அரசு மருத்துவமனைகள் மட்டுமின்றி பஸ்-ரெயில் நிலையங்கள், கடைவீதிகள் உள்பட பொதுமக்கள் அதிகம் கூடும் இடங்களில் என மொத்தம் 921 இடங்களில் தடுப்பூசி செலுத்தும் பணி நடந்தது. இதன் விளைவாக நேற்று ஒரே நாளில் 81 ஆயிரத்து 451 பேருக்கு கொரோனா தடுப்பூசி செலுத்தப்பட்டது குறிப்பிடத்தக்கது.