<
தொழிலாளியிடம் கத்தியை காட்டி மிரட்டி பணம் பறித்தவர் கைது. 3 வீச்சரிவாள், 1½ கிலோ கஞ்சா பறிமுதல்
தொழிலாளியிடம் கத்தியை காட்டி மிரட்டி பணம் பறித்தவர் கைது
வேலூர்
வேலூர் சலவன்பேட்டையை சேர்ந்தவர் பழனி (வயது 45), கூலித்தொழிலாளி. இவர் நேற்று காலை எல்.ஐ.சி. காலனி வழியாக நடந்து சென்று கொண்டிருந்தார். அப்போது அந்த வழியாக வந்த 40 வயது மதிக்கத்தக்க மர்மநபர் திடீரென பழனியை வழிமறித்து பணம் கேட்டு மிரட்டியுள்ளார். அதற்கு அவர் பணம் இல்லை என்று தெரிவித்துள்ளார். அதையடுத்து அந்த மர்மநபர் கத்தியை காட்டி மிரட்டி பழனியின் சட்டை பாக்கெட்டில் வைத்திருந்த ரூ.3 ஆயிரத்தை பறித்தார். இதைக்கண்ட அப்பகுதி மக்கள் சிலர் மர்மநபரை பிடிக்க முயன்றனர். அப்போது அவர் கத்தியை காட்டி மிரட்டல் விடுத்து அங்கிருந்து தப்பி சென்றார்.
இதுகுறித்து பழனி வேலூர் வடக்கு குற்றப்பிரிவு போலீசில் புகார் அளித்தார். அதன்பேரில் சப்-இன்ஸ்பெக்டர் பாலவெங்கடராமன் வழக்குப்பதிந்து விசாரணை நடத்தினார். அதில், இந்த வழிப்பறியில் ஈடுபட்டது தோட்டப்பாளையம் நாகலம்மன் கோவில் தெருவை சேர்ந்த நாகராஜ் என்ற முசல் நாகர் (40) என்பது தெரிய வந்தது. இதையடுத்து போலீசார் நாகராஜை கைது செய்தனர். அவரிடமிருந்து ரூ.3 ஆயிரம், 3 வீச்சரிவாள், ஒரு கத்தி, 1½கிலோ கிராம் கஞ்சா ஆகியவை பறிமுதல் செய்யப்பட்டன.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
