<
கிணற்றில் மூழ்கி மாணவர் பலி
கிணற்றில் மூழ்கி மாணவர் பலி
அணைக்கட்டு
அணைக்கட்டு தாலுகா ஒடுகத்தூரை அடுத்த மேல்பள்ளிப்பட்டு கிராமத்தைச் சேர்ந்தவர் ராஜேந்திரன், விவசாயி. இவரின் மகன் தட்சணாமூர்த்தி (வயது 19). இவர், வாணியம்பாடியில் உள்ள ஒரு தனியார் கல்லூரியில் பி.எஸ்சி. 2-ம் ஆண்டு படித்து வருகிறார்.
அவர், நேற்று மதியம் சக நண்பர்களுடன் 75 அடி ஆழமுள்ள அவர்களுடைய கிணற்றிலேயே குளித்துக் கொண்டிருந்தார். நீண்ட நேரம் குளித்ததால் அவரால் தொடர்ந்து நீந்த முடியவில்லை. இதனால் அவர் கிணற்றில் மூழ்கி பலியானார். உடனிருந்த நண்பர்கள் அவரை காப்பாற்ற முயன்றனர். எனினும் முடியவில்லை.
இதுகுறித்து ஒடுகத்தூர் தீயணைப்பு துறையினருக்கு தகவல் கொடுத்தனர். நிலைய அலுவலர் பாலாஜி தலைமையில் தீயணைப்பு வீரர்கள் 2 மணி நேரம் போராடி தட்சிணாமூர்த்தியை பிணமாக மீட்டனர். போலீசார் சம்பவ இடத்துக்கு வந்து உடலை மீட்டு பிரேத பரிசோதனைக்காக வேலூர் அடுக்கம்பாறை அரசு மருத்துவமனைக்கு அனுப்பி வைத்தனர். மேலும் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
