<
நாட்டு துப்பாக்கிகளுடன் 3 பேர் கைது
வனவிலங்குகளை வேட்டையாட முயன்ற 3 பேர், நாட்டு துப்பாக்கிகளுடன் கைது செய்யப்பட்டனர்.
கொடைக்கானல்
கொடைக்கானல் தாலுகா வடகவுஞ்சி ஊராட்சிக்கு உட்பட்ட மேல்பள்ளம் வனப் பகுதியில் சிலர், வனவிலங்குகளை வேட்டையாட முயற்சி செய்வதாக வனத்துறையினருக்கு ரகசிய தகவல் கிடைத்தது. இவர்கள் மீது நடவடிக்கை எடுக்க மாவட்ட வன அலுவலர் டாக்டர் திலீப் உத்தரவு பிறப்பித்தார்.
அதன்பேரில் வனச்சரகர் குமரேசன், வனவர் விவேகானந்தன் ஆகியோர் தலைமையிலான குழுவினர் மேல்பள்ளம் பகுதியில் உள்ள தனியார் தோட்டத்தில் திடீர் சோதனை நடத்தினர்.
அப்போது அங்கு வன விலங்குகளை வேட்டையாடுவதற்கு நாட்டு துப்பாக்கிகளுடன் நின்று கொண்டிருந்த அதே ஊரை சேர்ந்த முருகேசன் (வயது 62), தினேஷ்பாபு (33), நாட்ராயன் (49) ஆகியோரை கைது செய்தனர்.
அவர்களிடம் இருந்து 2 நாட்டு துப்பாக்கிகள், ஒரு தோட்டாவை வனத்துறையினர் பறிமுதல் செய்தனர். மேலும் அவர்களிடம் வனத்துறையினர் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
