<
மோட்டார் சைக்கிளில் இருந்து தவறி விழுந்த பெண் சாவு
சாலையில் குறுக்கே நாய் ஓடியதால் மோட்டார் சைக்கிளில் இருந்து தவறி விழுந்த பெண் சிகிச்சை பலனின்றி பரிதாபமாக இறந்தார்.
வேலாயுதம்பாளையம்,
சாலையின் குறுக்கே நாய் ஓடியது
வேலாயுதம்பாளையம் மலைவீதியை சேர்ந்தவர் மாரியம்மாள் (வயது 45). இவர் தனது உறவினரான முனீஸ்வரன் (24) என்பவர் ஓட்டி சென்ற மொபட்டில் பின்னால் அமர்ந்துசென்று கொண்டிருந்தார்.
புகளூர் ஹைஸ்கூல் மேடு அருகே சென்று கொண்டிருந்தபோது தெருநாய் ஒன்று திடீரென சாலையின் குறுக்கே ஓடியது. இதனால் முனீஸ்வரன் திடீரென்று பிரேக் போட்டார். இதில் பின்னால் அமர்ந்திருந்த மாரியம்மாள் நிலைத்தடுமாறி கீழே விழுந்தார்.
சிகிச்சை பலனின்றி சாவு
இதில் தலையில் பலத்த காயம் அடைந்த அவரை அந்த வழியாக சென்றவர்கள் மீட்டு கரூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு அவருக்கு சிகிச்சை அளிக்கப்பட்டு மேல் சிகிச்சைக்காக திருச்சி அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு அவருக்கு டாக்டர்கள் தீவிர சிகிச்சை அளித்தனர்.
ஆனால் சிகிச்சை பலனின்றி மாரியம்மாள் பரிதாபமாக இறந்தார். இந்த சம்பவம் குறித்து வேலாயுதம்பாளையம் சப்-இன்ஸ்பெக்டர் பெரியசாமி வழக்குப்பதிவு செய்து விசாரணை நடத்தி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
