மாநில அளவிலான ஆணழகன் போட்டி

காரைக்குடி

காரைக்குடியில் சென்ட்ரியோ குரூப் மேக்ஸ் பிட்னஸ் ஸ்டுடியோ சார்பில், மாநில அளவிலான ஆணழகன் போட்டி நடைபெற்றது. 55 கிலோ பிரிவில் இருந்து 85 கிலோ பிரிவு வரையிலான 11 பிரிவுகளில் இப்போட்டிகள் நடைபெற்றது. போட்டியில் மாநிலம் முழுவதிலும் இருந்து 220-க்கும் மேற்பட்டோர் கலந்து கொண்டனர். காலை முதல் இரவு வரை நடைபெற்ற இப்போட்டிகளில் நாமக்கல்லை சேர்ந்த சரவணன் முதலிடத்தையும், கன்னியாகுமரியை சேர்ந்த மரியா ஜீஜோ 2-வது இடத்தையும், சென்னையைச் சேர்ந்த தயாளன் 3-ம் இடத்தையும் பெற்றனர். வெற்றி பெற்றவர்களுக்கு மாவட்ட போலீஸ் சூப்பிரண்டு செந்தில்குமார் பரிசுகளை வழங்கினார். சென்ட்ரியோ குழுமத்தின் இயக்குனர்கள் ஸ்டீபன், இளையராஜா, ரமேஷ் ராஜன், கார்த்திக் ஆகியோர் சான்றிதழ்களை வழங்கினர். போட்டிகளுக்கான ஏற்பாடுகளை ஒருங்கிணைப்பாளர்கள் சதீஷ்குமார், ஷாஜி, சிவா ஆகியோர் செய்திருந்தனர்.