காதலித்துவிட்டு திருமணம் செய்ய மறுத்த ஆசிரியரால் பெண் என்ஜினீயர் தற்கொலை

காதலித்துவிட்டு திருமணம் செய்ய மறுத்த ஆசிரியரால் பெண் என்ஜினீயர் தற்கொலை செய்துகொண்டார். அவர் எழுதிய உருக்கமான கடிதத்தை போலீசார் கைப்பற்றி விசாரணை நடத்திவருகிறார்கள்.
இதுபற்றி போலீஸ் தரப்பில் கூறப்படுவதாவது:-

ராமநாதபுரம் ஓம்சக்திநகர் 11-வது தெருவை சேர்ந்தவர் முனியசாமி. இவருடைய மகள் சவுமியா (வயது 25) பி.இ. பட்டதாரி. இவர் அரசுப்பணி தேர்வுக்கு தயாராகி வந்தார்.
அவரிடம் ராமநாதபுரத்தில் தனியார் பள்ளியில் ஆசிரியராக பணியாற்றி வரும் சேக் முகம்மது என்ற அபு (27) அறிமுகமாகி பழகி செல்போன் எண்ணை வாங்கி பேசி வந்துள்ளார்.
சவுமியாவை காதலிப்பதாகவும், அவரை, திருமணம் செய்து கொள்வதாக கூறி நெருக்கமாக பழகியுள்ளார். அவரை தனது வீட்டுக்கும் வரவழைத்துள்ளார்.
இதனால் மனவருத்தம் அடைந்த சவுமியா நேற்று முன்தினம் வீட்டில் தூக்குப்போட்டு தற்கொைல செய்து கொண்டார்.
கடிதம் சிக்கியது

தற்கொலை செய்வதற்கு முன்பாக சவுமியா எழுதிய கடிதத்தை போலீசார் கைப்பற்றி உள்ளனர். அதில், தனது தற்கொலைக்கு சேக் முகம்மது மற்றும் அவருடைய பெற்றோர், திருப்பூரில் உள்ள மாமா ஆகியோர்தான் காரணம் என்றும், மேலும் பல்வேறு தகவல்களையும் எழுதி இருப்பதாக போலீசார் தெரிவித்தனர்.
அதன் அடிப்படையில் வழக்குப்பதிவு செய்து, தலைமறைவாக உள்ள சேக் முகம்மது உள்ளிட்டோரை போலீசார் தேடிவருகின்றனர்.
தனது மகளின் தற்கொலைக்கு காரணமானவர்களை கைது செய்யாமல் அவரது உடலை பெற்றுக்கொள்ள மாட்டோம் என்று முனியசாமி குடும்பத்தினர் கூறியதால் பரபரப்பு ஏற்பட்டது.
இதுதொடர்பாக ராமநாதபுரம் மாவட்ட இந்து முன்னணி பொதுச்செயலாளர் ராமமூர்த்தி வெளியிட்டுள்ள அறிக்கையில், “பெண் என்ஜினீயர் சவுமியா தற்கொலை செய்து கொள்ளும் முன் எழுதிய கடிதத்தில், தன்னை திட்டமிட்டு காதலித்துவிட்டு திருமணம் செய்யாமல் சேக்முகம்மது ஏமாற்றி விட்டதாக தெளிவாக குறிப்பிட்டுள்ளார். எனவே, கடிதத்தில் குறிப்பிட்டுள்ள நபர்களை உடனடியாக கைது செய்வதோடு முழுமையான விசாரணை நடத்தி நடவடிக்கை எடுக்க வேண்டும். பாதிக்கப்பட்ட சவுமியா குடும்பத்திற்கு உரிய நிவாரணம் வழங்க வேண்டும்”் என்று கூறி உள்ளார்.
---------