கார் மோதி கொத்தனார் பலி

கடவூர் தாலுகா, தாசிரெட்டியபட்டியை சேர்ந்தவர் பெருமாள் (வயது 60), கொத்தனார். இவர் தனது மோட்டார் சைக்கிளில் தரகம்பட்டி சென்றுவிட்டு கரூர்-மணப்பாறை சாலையில் சென்று கொண்டிருந்தார். அப்போது ஒத்தையூரை சேர்ந்த மகேந்திரன் (26) என்பவர் ஓட்டி வந்த கார் எதிர்பாராதவிதமாக மோட்டார் சைக்கிள் மீது மோதியது.

இந்த விபத்தில், பலத்தகாயம் அடைந்த பெருமாளை அந்த வழியாக சென்றவர்கள் மீட்டு மைலம்பட்டி அரசு மருத்துவமனையில் சேர்த்தனர். பின்னர் மேல் சிகிச்சைக்காக கரூர் அரசு மருத்துவக்கல்லூரி மருத்துவமனைக்கு கொண்டு சென்றனர். ஆனால் செல்லும் வழியிலேயே பெருமாள் பரிதாபமாக இறந்தார். இந்த விபத்து குறித்து பாலவிடுதி போலீசார் வழக்குப்பதிவு செய்து விசாரணை நடத்தி வருகின்றனர்.