ஆஞ்சநேயர் கோவில் அகற்றம்; பா.ஜனதாவினர் சாலை மறியல்

காளையார்கோவில்,

காளையார்கோவில் சொர்ணகாளீஸ்வரர் கோவில் தெப்பக்குளக்கரையில் நெடுஞ்சாலைத்துறைக்கு சொந்தமான இடத்தில் அனுமதியின்றி ஆஞ்சநேயர் கோவில் கட்டி இருப்பதாக புகார் வந்தது. இதையடுத்து காளையார்கோவில் தாசில்தார் பாலகிருஷ்ணன், கிராம நிர்வாக அலுவலர் இளையராஜா, மாநில நெடுஞ்சாலைத்துறை உதவி கோட்ட பொறியாளர் சையது இப்ராஹிம், உதவி பொறியாளர் அக்பர் அலி ஆகியோர் முன்னிலையில் கோவில் அகற்றப்பட்டது.
 அப்போது இதற்கு எதிர்ப்பு தெரிவித்த 9 பேரை காளையார்கோவில் போலீசார் கைது செய்தனர்.இச்சம்பவத்தை கண்டித்து மாலையில் காளையார்கோவில் பஸ் நிலையத்தில் பாரதீய ஜனதா கட்சியின் மாவட்ட செயலாளர் சக்தி தலைமையில் நூற்றுக்கும் மேற்பட்டோர் சாலை மறியலில் ஈடுபட்டனர். சாலை மறியலில் ஈடுபட்ட 113 பேர் கைது செய்து தனியார் மண்டபத்தில் அடைத்தனர். பின்னர் அவர்கள் அனைவரும் இரவு விடுவிக்கப்பட்டனர்