வட்டார அளவில் வேலைவாய்ப்பு முகாம்

சிவகாசி, 

தமிழ்நாடு மகளிர் நல மேம்பாட்டு நிறுவனம் சார்பில் வட்டார அளவிலான தனியார்துறை வேலை வாய்ப்பு முகாம் நேற்றுசிவகாசி மகளிர் திட்ட அலுவலகத்தில் நடைபெற்றது. முகாமை சிவகாசி யூனியன் துணைத்தலைவர் விவேகன்ராஜ் குத்து விளக்கு ஏற்றி தொடங்கி வைத்தார். இதில் திட்ட இயக்குனர் தெய் வேந்திரன், உதவி திட்ட இயக்குனர் ஜெரோம், சிவகாசி வட்டார வளர்ச்சி அலுவலர் சீனிவாசன் உள்பட பலர் கலந்து கொண்டனர். முகாமில் 14 தனியார் நிறுவனங்கள் கலந்து கொண்டு பணியாளர்களை தேர்வு செய்தனர். இதில் சிவகாசி தாலுகாவுக்கு உட்பட்ட பகுதியில் இருந்து 8-ம் வகுப்பு முதல் பட்டப்படிப்பு வரை படித்த 500-க்கும் மேற்பட்டவர்கள் கலந்து கொண்டனர். தேர்வு செய்யப்பட்ட பணியாளர்களுக்கு உடனே வேலைக்கான ஆணை வழங்கப்பட்டது. இதற்கான ஏற்பாடுகளை மகளிர் திட்ட சிவகாசி வட்டார மேற்பார்வையாளர் முருகேஸ்வரி செய்திருந்தார். நிகழ்ச்சியில் மகளிர்திட்டம் மூலம் நடைபெற்ற பல்வேறு பயிற்சிகளில் கலந்து கொண்டு தேர்வு பெற்றவர்களுக்கு சான்றிதழ் வழங்கப்பட்டது.