<
காங்கேயம் இன செவலை பசுமாடு ரூ 90 ஆயிரத்திற்கு விற்பனை
காங்கேயம் இன செவலை பசுமாடு ரூ 90 ஆயிரத்திற்கு விற்பனை
முத்தூர்,
பழையகோட்டை மாட்டுத்தாவணியில் காங்கேயம் இன காளை கன்றுடன் செவலை பசுமாடு ரூ.90 ஆயிரத்திற்கு விற்பனை செய்யப்பட்டது.
பழையகோட்டை மாட்டுத்தாவணி
திருப்பூர் மாவட்டம் நத்தக்காடையூர் அருகே உள்ள பழையகோட்டை மாட்டுத்தாவணியில் வீரத்திற்கும், கம்பீரத்திற்கும் உலக புகழ் பெற்ற காங்கேயம் இன காளைகள், கன்றுகள், பசுமாடுகள் விற்பனை சந்தை வாரந்தோறும் ஞாயிற்றுக்கிழமை நடைபெற்று வருகிறது. இந்த நிலையில் கொரோனா வைரஸ் 2-வது அலை பரவுதல் தடுப்பு ஊரடங்கு உத்தரவுக்கு பிறகு 21-வது வாரமாக நேற்று காலை வழக்கம்போல் சந்தை திறக்கப்பட்டது.
இந்த சந்தையில் திருப்பூர், ஈரோடு, கரூர், நாமக்கல், கோவை, திருச்சி, திண்டுக்கல் உள்பட தமிழகத்தின் பல்வேறு மாவட்டங்களை சேர்ந்த காங்கேயம் இன காளைகள் வளர்ப்போர், நாட்டு மாடுகளை வளர்க்கும் விவசாயிகள், காங்கேயம் இன காளை பராமரிப்பு விருத்தியாளர்கள் ஆகியோர் கலந்துகொண்டனர். தொடர்ந்து விவசாயிகள் விற்பனைக்காக கொண்டு வந்த காங்கேயம் இன பெரிய பூச்சி காளைகள், இளம் பூச்சி காளைகள், செவலை பசுமாடுகள், மயிலை பூச்சி காளைகள், மயிலை பசுமாடுகள், மயிலை கிடாரிகள், காராம்பசு கிடாரி கன்றுகள் என ரகம் வாரியாக தரம் பிரிக்கப்பட்டு விற்பனை செய்யப்பட்டது.
60 பசுமாடுகள் விற்பனை
இந்த சந்தையில் நேற்று காங்கேயம் இன பசுமாடுகளை வாங்குவதற்கு விவசாயிகள், வியாபாரிகள் அதிக ஆர்வத்துடன் நேரில் திரண்டு வந்து கலந்துகொண்டனர். இதன்படி இந்த சந்தையில் நேற்று விற்பனைக்காக கொண்டு வரப்பட்ட மொத்தம் 100 காங்கேயம் இன காளைகள், பசுமாடுகளில் மொத்தம் 60 நாட்டு பசுமாடுகள், காளைகள், கன்றுகள் விற்பனை விறுவிறுப்பாக செய்யப்பட்டது.
இதன்படி சந்தையில்அதிகபட்சமாக காங்கேயம் இன காளை கன்றுடன் செவலை பசுமாடு ரூ.90 ஆயிரத்திற்கு விற்பனை செய்யப்பட்டது. மேலும் சந்தையில் காங்கேயம் இன இளங்கன்றுகள் ஆரம்ப விலையாகரூ.36 ஆயிரம் முதல் விற்பனை செய்யப்பட்டது. இதன்படி நேற்று மட்டும் ஒரே நாளில் இந்த சந்தையில் மொத்தம் ரூ.22 லட்சத்துக்கு காங்கேயம் இன காளைகள், கன்றுகள், மாடுகள் விற்பனை செய்யப்பட்டது. மேலும் இந்த காங்கேயம் இன கால்நடை சந்தையில் பசுமாடுகள், காளைகள், கன்றுகளுக்கு கோமாரி நோய் தடுப்பூசி இலவசமாக போடப்பட்டது
இந்த சந்தையில் திருப்பூர், ஈரோடு, கரூர், நாமக்கல் மாவட்டங்களை சேர்ந்த காங்கேயம் இன காளைகள், மாடுகள் வளர்க்கும் விவசாயிகள், வியாபாரிகள் பலர் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
