2 மோட்டார் சைக்கிள்கள் மோதல்; பெயிண்டர் பலி

திங்கள்சந்தை, 

திங்கள்நகர் அருகே உள்ள தலக்குளம் தும்பவிளையை சேர்ந்தவர் சுபாஷ் (வயது30), பெயிண்டர். இவர் நேற்று முன்தினம் தலக்குளத்தில் இருந்து திங்கள்நகருக்கு மோட்டார் சைக்கிளில் சென்று கொண்டிருந்தார். புதுவிளை பகுதியில் சென்ற போது எதிரே அதேபகுதியை சேர்ந்த அஜித் (27) என்பவர் மோட்டார் சைக்கிளில் வந்தார். எதிர்பாராதவிதமாக இரண்டு மோட்டார் சைக்கிள்களும் நேருக்கு நேர் மோதின. இதில் இருவரும் தூக்கி வீசப்பட்டு படுகாயம் அடைந்தனர். அவர்களை அருகில் நின்றவர்கள் மீட்டு மருத்துவமனைகளுக்கு அனுப்பி வைத்தனர். சுபாஷ் குளச்சல் அரசு மருத்துவமனையிலும், அஜித் அருகில் உள்ள ஒரு தனியார் மருத்துவமனையிலும் சிகிச்சைக்காக சேர்க்கப்பட்டனர். 

பின்னர், சுபாஷ் மேல்சிகிச்சைக்காக ஆசாரிபள்ளம் அரசு மருத்துவமனைக்கு அனுப்பி வைக்கப்பட்டார். ஆனால், செல்லும் வழியிலேயே அவர் பரிதாபமாக இறந்தார். 

இந்த விபத்து குறித்து இரணியல் போலீசார் வழக்குப்பதிவு செய்து விசாரணை நடத்தி வருகின்றனர். விபத்தில் இறந்த சுபாசுக்கு மனைவியும், 2 குழந்தைகளும் உள்ளனர்.