இருசக்கர வாகனத்தில் இருந்து விழுந்த மூதாட்டி சாவு

விருதுநகர், 

விருதுநகர் அல்லம்பட்டி  வி.வி.ஆர். காலனியை சேர்ந்தவர் மாடத்தி அம்மாள் (வயது 60). உடல்நிலை சரியில்லாமல் இருந்த மாடத்தி அம்மாளை அவரது மகன் முத்துவீரன் தனது இருசக்கர வாகனத்தில் ஆஸ்பத்திரிக்கு அழைத்துச்சென்றார். அப்போது செல்லும் போது மாடத்தி அம்மாளுக்கு தலைசுற்றல் ஏற்பட்டதால் அவர் முத்துவீரனின் தோளை பிடிக்கமுயன்ற போது முத்துவீரன் சென்ற இருசக்கர வாகனம் நிலைதடுமாறிய தில் மாடத்தி அம்மாள் கீழே விழுந்து படுகாயமடைந்தார். படுகாயமடைந்த அவரை சிகிச்சைக்காக நெல்லை அரசு ஆஸ்பத்திரியில் சேர்க்கப்பட்டார். அங்கு சிகிச்சை பலனின்றி அவர் பரிதாபமாக இறந்தார். இதுபற்றிய புகாரின் பேரில் இந்நகர் கிழக்கு போலீசார் வழக்கு பதிவு செய்து விசாரணை மேற்கொண்டுள்ளனர்.