பெண்ணுக்கு மிரட்டல் விடுத்தவர் கைது

நெல்லை:

பாளையங்கோட்டை அருகே உள்ள கீழபாட்டத்தை சேர்ந்தவர் முத்துச்செல்வம் (வயது 38). இவருக்கும், பக்கத்து வீட்டில் உள்ள பெண்ணுக்கும் இடையே பொது பாதை சம்மந்தமாக பிரச்சினை இருந்து வந்துள்ளது. இந்தநிலையில் நேற்று முன்தினம் முத்துசெல்வம், அந்த பெண்ணின் வீட்டிற்கு சென்று அவரை அவதூறாக பேசினார். பின்னர் அவரை தாக்கி கொலை மிரட்டல் விடுத்துள்ளார். இதுகுறித்து பாளையங்கோட்டை தாலுகா போலீஸ் சப்-இன்ஸ்பெக்டர் வாசுதேவன் வழக்குப்பதிவு செய்து விசாரணை நடத்தி முத்துசெல்வத்தை கைது செய்தார்.