பாம்பு கடித்து விவசாயி சாவு

வேப்பந்தட்டை:

பெரம்பலூர் மாவட்டம் வேப்பந்தட்டையை அடுத்துள்ள வெங்கலத்தை சேர்ந்தவர் பாலசுப்பிரமணியன்(வயது 32). விவசாயி. இவர் கடந்த 2 நாட்களுக்கு முன்பு தனது வயலுக்கு சென்றபோது அவரை திடீரென பாம்பு கடித்தது. இதனை தொடர்ந்து அருகில் இருந்தவர்கள் பாலசுப்பிரமணியனை மீட்டு சிகிச்சைக்காக பெரம்பலூர் அரசு மருத்துவமனையில் சேர்த்தனர். அங்கிருந்து மேல் சிகிச்சைக்காக திருச்சி அரசு மருத்துவமனையில் சேர்த்தனர். அங்கு தீவிர சிகிச்சை அளித்தும் பலனின்றி நேற்று பாலசுப்பிரமணியன் பரிதாபமாக உயிரிழந்தார். இந்த சம்பவம் தொடர்பாக அரும்பாவூர் போலீசார் வழக்குப்பதிவு செய்து விசாரணை நடத்தி வருகின்றனர்.