தினத்தந்தி புகார் பெட்டி

கன்னியாகுமரியில் இருந்து திருவனந்தபுரத்துக்கு செல்லும் மேற்கு கடற்கரை சாலையில் கருங்கல் சுண்டவிளையில் கால்வாயின் கரைப்பகுதி சேதமடைந்து காணப்பட்டது. அத்துடன் சாலையோரத்தில் பாறைப்பொடி மூடைகளை அடுக்கி வைத்திருந்தனர். இதனால் போக்குவரத்துக்கு இடையூறு ஏற்பட்டு வந்தது. இதுகுறித்து ‘தினத்தந்தி’புகார் பெட்டியில் 13-12-2021 அன்று செய்தி வெளியிடப்பட்டது. உடனே, அதிகாரிகள் நடவடிக்கை எடுத்து பாறைப்பொடி மூடைகளை சாலையில் இருந்து அகற்றி  கால்வாய்கரையை பலப்படுத்தி நேர்த்தியாக அடுக்கி விட்டனர். செய்தியை வெளியிட்ட தினத்தந்திக்கும் நடவடிக்கை எடுத்த அதிகாரிகளுக்கும் அந்த பகுதி மக்கள் நன்றி தெரிவித்துள்ளனர்.