பாலக்கோடு அருகே வாலிபர் தூக்குப்போட்டு தற்கொலை

பாலக்கோடு:

தர்மபுரி மாவட்டம் பாலக்கோடு அருகே தளவாய்அள்ளிபுதூர் கிராமத்தை சேர்ந்தவர் காட்டு ராஜா மகன் உதயகுமார் (வயது 29). கூலி தொழிலாளி. இவரது மனைவி சத்யா. இவர்களுக்கு 2 வயதில் ஒரு ஆண் குழந்தையும், 4 மாதத்தில் பெண் குழந்தையும் உள்ளது. இந்த நிலையில் கணவன் மனைவி இடையே அடிக்கடி குடும்ப தகராறு ஏற்பட்டு வந்தாக தெரிகிறது. இதனால் விரக்தி அடைந்த உதயகுமார் நேற்று மாலை வீட்டில் உள்ள உத்திரத்தில் சேலையால் தூக்குப்போட்டு தற்கொலை செய்து கொண்டார், தகவலறிந்த பாலக்கோடு போலீசார் உடலை கைப்பற்றி பிரேத பரிசோதனைக்காக பாலக்கோடு அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரித்து வருகின்றனர்.