மாநகராட்சிக்கு வாடகை பாக்கி; போக்குவரத்து கழக அலுவலகம், கடைகளுக்கு பூட்டு

திண்டுக்கல்:
திண்டுக்கல் பஸ் நிலையத்தில், மாநகராட்சி கட்டிடத்தில் அரசு போக்குவரத்து கழகத்தின் விசாரணை அலுவலகம் செயல்படுகிறது. இதற்கு மாநகராட்சி நிர்வாகத்துக்கு, அரசு போக்குவரத்து கழகம் சார்பில் வாடகை செலுத்த வேண்டும். இந்த நிலையில் கடந்த 2 ஆண்டுகளாக வாடகை செலுத்தவில்லை என்று தெரிகிறது. அந்த வகையில் ரூ.9 லட்சம் வரை வாடகை பாக்கி இருந்தது. இதேபோல் 3 கடைகளுக்கும் வாடகை செலுத்தப்படாமல் நிலுவை இருந்தது.
இதையடுத்து மாநகராட்சி சார்பில் நோட்டீஸ் வழங்கப்பட்டது. அதன்பின்னரும் வாடகை தொகையை செலுத்தவில்லை. இதைத் தொடர்ந்து அரசு போக்குவரத்து கழக விசாரணை அலுவலகம் மற்றும் 3 கடைகளை மாநகராட்சி அதிகாரிகள் பூட்டு போட்டு பூட்டினர். அரசு போக்குவரத்து கழக விசாரணை அலுவலகம் பூட்டப்பட்டதால், பஸ் போக்குவரத்து பற்றி அறிய முடியாமல் பயணிகள் தவித்தனர்.