<
லாரியுடன் 31 டன் ரேஷன் அரிசி பறிமுதல்
வாணியம்பாடி அருகே லாரியுடன் 31 டன் ரேஷன் அரிசி பறிமுதல் செய்யப்பட்டது.
வாணியம்பாடி
வேலூர் குடிமைப் பொருள் வழங்கல் குற்றப் புலனாய்வுப்பிரிவு போலீஸ் இன்ஸ்பெக்டர் முருகன் தலைமையில் சிறப்பு அதிரடி குழு, பறக்கும்படை போலீசார் வாணியம்பாடி பைபாஸ் சாலை உள்பட பல பகுதிகளில் தீவிர வாகனத் தணிக்கையில் ஈடுபட்டனர்.
நெக்குந்தி டோல்கேட் பகுதியில் கண்காணிப்பில் ஈடுபட்டபோது அந்த வழியாக வந்த ஒரு லாரியை நிறுத்தி சோதனை செய்தனர். அதில் மூட்டை மூட்டையாக மொத்தம் 31 டன் எடையில் ரேஷன் அரிசி இருந்தது.
இது தொடர்பாக தர்மபுரியைச் சேர்ந்த தமிழரசன் (வயது 25), அக்நல் (20) ஆகியோரை அதிகாரிகள் கைது செய்தனர்.
அவர்களிடம் இருந்து 31 டன் ரேஷன் அரிசி, லாரியை பறிமுதல் செய்தனர்.
அவர்கள் மீது வேலூர் குடிமைப் பொருள் வழங்கல் குற்றப் புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
