<
வேலூர் மாவட்டத்தில் ஒரே நாளில் 40,577 பேருக்கு கெரோனா தடுப்பூசி
ஒரே நாளில் 40,577 பேருக்கு கெரோனா தடுப்பூசி
வேலூர்
தமிழகம் முழுவதும் 15-வது கட்டமாக மாபெரும் கொரோனா தடுப்பூசி சிறப்பு முகாம் நேற்று முன்தினம் நடைபெற்றது. அதன்படி வேலூர் மாவட்டத்தில் பஸ்நிலையங்கள், மார்க்கெட், பஜார் உள்பட 505 இடங்களில் கொரோனா தடுப்பூசி சிறப்பு முகாம் நடத்த ஏற்பாடு செய்யப்பட்டிருந்தது. காலை 7 மமி முதல் இரவு 7 மணி வரை சிறப்பு முகாம் நடந்தது. இதில், பொதுமக்கள் ஆர்வத்துடன் கலந்து கொண்டு தடுப்பூசி செலுத்திக் கொண்டனர். மாவட்டத்தின் பல்வேறு பகுதிகளில் நடந்த சிறப்பு முகாம்களை கலெக்டர் குமாரவேல்பாண்டியன் நேரில் பார்வையிட்டு ஆய்வு செய்தார். மருத்துவக்குழுவினர் வீடு, வீடாக சென்று தடுப்பூசி போடாதவர்கள் குறித்து கணக்கெடுத்து, பின்னர் அவர்களுக்கு தடுப்பூசி செலுத்தினார்கள்.
வேலூர் மாவட்டத்தில் 505 இடங்களில் நடந்த சிறப்பு முகாம்களில் ஒரேநாளில் 40,577 பேருக்கு கொரோனா தடுப்பூசி செலுத்தப்பட்டது. மாவட்டம் முழுவதும் இதுவரை 80 சதவீதம் பேருக்கு முதல் தவணையும், 47 சதவீதம் பேருக்கு 2-வது தவணை கொரோனா தடுப்பூசி செலுத்தப்பட்டுள்ளதாக சுகாதாரத்துறை அதிகாரிகள் தெரிவித்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
