வீரர், வீராங்கனைகளுக்கு கலெக்டர் பாராட்டு

தேனி: 

தமிழ்நாடு தடகள சங்கம் சார்பில் திண்டுக்கல்லில் கடந்த 8-ந்தேதி முதல் 11-ந்தேதி வரை மாநில அளவிலான தடகள போட்டிகள் நடந்தன. இதில் தேனி மாவட்டத்தில் இருந்து பங்கேற்ற வீரர், வீராங்கனைகள் 14 பேர் பதக்கங்கள் பெற்றனர். 

இதில் 2 பேர் தங்கப்பதக்கம், 5 பேர் வெள்ளிப்பதக்கம், 7 பேர் வெண்கலப்பதக்கம் ஆகியவை வென்றனர். பதக்கம் வென்ற வீரர், வீராங்கனைகளை மாவட்ட கலெக்டர் முரளிதரன் நேற்று கலெக்டர் அலுவலகத்துக்கு நேரில் அழைத்து பாராட்டினார். அப்போது மாவட்ட விளையாட்டு அலுவலர் முருகன், மாவட்ட தடகள சங்க செயலாளர் அஜய் கார்த்திக்ராஜா மற்றும் பயிற்சியாளர்கள் உடனிருந்தனர்.