பள்ளிபாளையத்தில் மது பதுக்கி விற்றவர் கைது

பள்ளிபாளையம்:

பள்ளிபாளையம் பஸ் நிலையம் அருகே பள்ளிபாளையம் போலீசார் ரோந்து பணியில் ஈடுபட்டனர். அப்போது அங்கு ஒருவர் சந்தேகபடும்படி கையில் பையுடன் நின்று கொண்டிருந்தார். இதை பார்த்த போலீசார் அவரை பிடித்து விசாரணை நடத்தினர். மேலும் அவர் வைத்திருந்த பையை சோதனை செய்தபோது அதில் விற்பனைக்காக 17 மதுபாட்டில்கள் பதுக்கி வைத்திருந்தது கண்டுபிடிக்கப்பட்டது. அவரிடம் விசாரித்ததில் அவர் அக்ரஹாரம் பங்களா தோட்டம் பகுதியை சேர்ந்த வடிவேல் (வயது 44) என்பது தெரியவந்தது. இதையடுத்து வடிவேலுவை கைது செய்த போலீசார் அவரிடம் இருந்த 17 மதுபாட்டில்களையும் பறிமுதல் செய்தனர்.