மாநில அளவிலான பெண்கள் கபடி போட்டி: திருவாரூா் மாவட்ட வீராங்கனைகள் தேர்வு

வடுவூர்:-

தமிழ்நாடு மாநில சீனியர் பெண்கள் சாம்பியன் கபடி போட்டி திருவண்ணாமலையில் வருகிற 31-ந் தேதி தொடங்குகிறது. இப்போட்டியில் கலந்து கொள்வதற்கான திருவாரூர் மாவட்ட வீராங்கனைகள் தேர்வு வடுவூர் அருகே உள்ள கட்டக்குடி அரசு பள்ளி வளாகத்தில் நடந்தது. 70 பெண்கள் கலந்து கொண்டனர். இதில் 12 பேர் கொண்ட திருவாரூர் மாவட்ட அணியினர் தேர்வு செய்யப்பட்டனர். இவர்களுக்கு ஒரு வார கால பயிற்சி நடைபெற உள்ளது. தேர்வு செய்யப்பட்ட வீராங்கனைகளுக்கு திருவாரூர் மாவட்ட அமெச்சூர் கபடி கழக செயலாளர் ராஜேந்திரன், ஓய்வுபெற்ற போலீஸ் துணை சூப்பிரண்டு கணேசமூர்த்தி மற்றும் நிர்வாகிகள் வாழ்த்து தெரிவித்தனர்.