பஸ்மோதி கொத்தனார் படுகாயம்

திருமயம் அண்ணா நகரை சேர்ந்தவர் சக்திவேல் (வயது 47), கொத்தனார். இவர் அன்னவாசல் அருகே உள்ள வயலோகத்தில் வேலை முடித்து விட்டு தனது வீட்டுக்கு நடந்து சென்று கொண்டிருந்தார். பெருமநாடு தனியார் கல்லூரி அருகே சென்றபோது அந்த வழியாக சென்ற தனியார் பஸ், சக்திவேல் மீது மோதியது. இதில் பலத்த காயம் அடைந்த அவரை அந்த வழியாக சென்றவர்களை மீட்டு புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு அவருக்கு டாக்டர்கள் தீவிர சிகிச்சை அளித்து வருகிறார்கள்.

இதையடுத்து, விபத்து ஏற்படுத்திய திருமயம் கும்மங்குடி பகுதியை சேர்ந்த டிரைவர் சேகர் (42) மீது சப்-இன்ஸ்பெக்டர் நாகராஜன் வழக்குப்பதிவு செய்து விசாரணை நடத்தி வருகிறார்.