புதிதாக 25 பேருக்கு பாதிப்பு: சேலம் மாவட்டத்தில் கொரோனாவுக்கு 2 பேர் பலி

சேலம்:

சேலம் மாவட்டத்தில் நேற்று முன்தினம் கொரோனாவுக்கு 26 பேர் பாதிக்கப்பட்டனர். இந்த நிலையில் நேற்று புதிதாக 25 பேருக்கு கொரோனா தொற்று ஏற்பட்டுள்ளது. சேலம் மாநகராட்சிக்குட்பட்ட பகுதிகளில் 10 பேர், சேலம் ஒன்றியத்தில் 12 பேர், ஆத்தூர் பகுதியில் 2 பேர், மேட்டூரில் ஒருவரும் கொரோனாவால் பாதிக்கப்பட்டனர். சேலத்தை சேர்ந்த 75 வயதுடைய முதியவரும், 72 வயதுடைய மூதாட்டியும் கொரோனாவுக்கு சிகிச்சை பலனின்றி பரிதாபமாக இறந்தனர். இவர்கள் உள்பட மாவட்டத்தில் இதுவரை 1,729 பேர் பலியாகி உள்ளனர்.