லாரி மோதி தொழிலாளி சாவு

தென்காசி:

தென்காசி ஆசாத் நகர் காளியம்மன் கோவில் தெருவைச் சேர்ந்த இசக்கி மகன் மாணிக்கம் (வயது 46). கூலித்தொழிலாளி. இவர் நேற்று மதியம் தனது வீட்டிற்கு சென்று கொண்டிருந்தார். வாய்க்கால் பாலம் அருகில் நடந்து சென்றபோது எதிரே செங்கல் ஏற்றி வந்த ஒரு மினி லாரி திடீரென அவர் மீது மோதியது. இதில் பலத்த காயமடைந்த மாணிக்கம் சம்பவ இடத்திலேயே பரிதாபமாக இறந்தார். மாணிக்கத்திற்கு 2 மகள்களும், ஒரு மகனும் உள்ளனர். இந்த சம்பவம் குறித்து மாணிக்கத்தின் மகன் மணிகண்டன் தென்காசி போலீசில் புகார் செய்தார். போலீசார் வழக்குப்பதிவு செய்து லாரி டிரைவரை தேடி வருகின்றனர். இன்ஸ்பெக்டர் பாலமுருகன் விசாரணை நடத்தி வருகிறார்.