<
திண்டுக்கல் அருகே கிணற்றில் தவறி விழுந்து கொத்தனார் பலி
திண்டுக்கல் அருகே கிணற்றில் தவறி விழுந்து கொத்தனார் பலியானார்.
குள்ளனம்பட்டி:
திண்டுக்கல் அருகே உள்ள இரண்டெல்லைபாறையை சேர்ந்தவர் பாண்டி (வயது 50). இவர் கடந்த சில நாட்களாக சிறுமலை அருகே உள்ள அகஸ்தியர்புரத்தில் தங்கி கொத்தனார் வேலை செய்து வந்தார். இவருக்கு மது குடிக்கும் பழக்கம் இருந்ததாக கூறப்படுகிறது.
அகஸ்தியர்புரத்தில் சுமார் 40 அடி ஆழமுள்ள பொதுக்கிணறு ஒன்று உள்ளது. அந்த கிணற்றில் 30 அடி ஆழம் வரை தண்ணீர் இருக்கிறது. நேற்று கிணற்றின் அருகே சுற்றுச்சுவரில் பாண்டி உட்கார்ந்து இருந்ததாக கூறப்படுகிறது. அப்போது அந்த கிணற்றில் பாண்டி தவறி விழுந்தார். இதில் நீரில் மூழ்கி அவர் பரிதாபமாக இறந்தார்.
இதுகுறித்து திண்டுக்கல் தீயணைப்பு நிலையத்திற்கு தகவல் தெரிவிக்கப்பட்டது. அதன்பேரில் தீயணைப்பு நிலைய அலுவலர் மயில்ராஜ் தலைமையிலான தீயணைப்பு வீரர்கள் சம்பவ இடத்திற்கு விரைந்து வந்தனர். பின்னர் பாண்டியின் உடலை மீட்டு பிரேத பரிசோதனைக்காக திண்டுக்கல் அரசு மருத்துவமனைக்கு அனுப்பி வைத்தனர்.
இதுகுறித்து திண்டுக்கல் தாலுகா போலீஸ் சப்-இன்ஸ்பெக்டர் மலைச்சாமி வழக்குப்பதிவு செய்து விசாரணை நடத்தி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
