நாமக்கல் உழவர் சந்தையில் ரூ.9¾ லட்சத்துக்கு காய்கறி, பழங்கள் விற்பனை

நாமக்கல்:

நாமக்கல் உழவர் சந்தையில் நேற்று 25½ டன் காய்கறி மற்றும் பழங்கள் ரூ.9¾ லட்சத்துக்கு விற்பனையானது.

நாமக்கல்- கோட்டை சாலையில் உழவர் சந்தை செயல்பட்டு வருகிறது. இங்கு நாமக்கல் மற்றும் அதன் சுற்று வட்டார பகுதிகளில் விளையும் காய்கறிகளை விவசாயிகள் விற்பனை செய்து வருகின்றனர்.

அந்த வகையில் நேற்று 18¼ டன் காய்கறிகள் மற்றும் 7¼ டன் பழங்கள் விற்பனைக்கு வந்திருந்தன. இவை ரூ.9 லட்சத்து 71 ஆயிரத்து 580-க்கு விற்பனை செய்யப்பட்டன. இவற்றை 4,880 பேர் வாங்கி சென்றனர்.

நாமக்கல் உழவர் சந்தையில் நேற்று தக்காளி கிலோ ரூ.50-க்கும், கத்தரிக்காய் கிலோ ரூ.50-க்கும், வெண்டைக்காய் கிலோ ரூ.60-க்கும், புடலங்காய் கிலோ ரூ.40-க்கும், பீர்க்கன் கிலோ ரூ.50-க்கும், பீட்ரூட் கிலோ ரூ.76-க்கும், கேரட் கிலோ ரூ.80-க்கும், பீன்ஸ் கிலோ ரூ.36-க்கும், முட்டைக்கோஸ் கிலோ ரூ.60-க்கும், இஞ்சி கிலோ ரூ.40-க்கும் விற்பனை செய்யப்பட்டன. சின்ன வெங்காயம் கிலோ ரூ.50-க்கும், பெரிய வெங்காயம் கிலோ ரூ.40-க்கும் விற்பனை செய்யப்பட்டன.

கடந்த வாரத்தை ஒப்பிடும்போது காய்கறிகளின் வரத்து சற்று அதிகரித்து இருப்பதால், அவற்றின் விலை குறைந்து இருப்பதாக உழவர்சந்தை அதிகாரிகள் தெரிவித்தனர்.