வெவ்வேறு விபத்துகளில் முதியவர் உள்பட 2 பேர் பலி

கிருஷ்ணகிரி:

கிருஷ்ணகிரி அருகே உள்ள சின்ன தாளப்பள்ளியை சேர்ந்தவர் வெங்கடசாமி (வயது 60). சம்பவத்தன்று இவர் கிருஷ்ணகிரியில் சேலம்-பெங்களூரு தேசிய நெடுஞ்சாலையில் தனியார் பள்ளி பக்கமாக நடந்து சென்று கொண்டிருந்தார். அப்போது அந்த வழியாக சென்ற வாகனம் அவர் மீது மோதியது. இதில் பலத்த காயம் அடைந்த வெங்கடசாமி சம்பவ இடத்திலேயே பலியானார். இந்த விபத்து குறித்து கிருஷ்ணகிரி தாலுகா போலீசார் விசாரணை நடத்தி வருகிறார்கள்.

வேப்பனப்பள்ளி தாலுகா பி.மாதேப்பள்ளி பொன்னப்பன் கவுண்டர் கிராமத்தை சேர்ந்தவர் சையத்கரீம் (40). தொழிலாளி. இவர் குந்தாரப்பள்ளியில் சாலையில் நடந்து சென்றபோது, அடையாளம் தெரியாத வாகனம் மோதியதில் பலியானார். இதுகுறித்து குருபரப்பள்ளி போலீசார் விசாரணை நடத்தி வருகிறார்கள்.