<
கணவன்-மனைவியை தாக்கிய 3 பேர் கைது
கணவன்-மனைவியை தாக்கிய 3 பேரை போலீசார் கைது செய்தனர்.
கிருஷ்ணராயபுரம்,
முன்விரோதம்
லாலாபேட்டை காமராஜர் தெருவை சேர்ந்தவர் முருகானந்தம் (வயது 35), கூலிதொழிலாளி. இவருக்கும் அதே பகுதியை சேர்ந்த காமராஜ் என்பவருக்கும் கோவில் திருவிழா தொடர்பாக ஏற்பட்ட பிரச்சினையில் முன்விரோதம் உள்ளது.
இந்த நிலையில் கடந்த சில தினங்களுக்கு முன்பு காமராஜ், அவரது மருமகன் கலைச்செல்வன், தன்ராஜ், தமிழரசன், படையப்பா ஆகிய 5 பேரும் சேர்ந்து முருகானந்தம், அவரது மனைவி முருகேஸ்வரி, உறவினர் வினோத்குமார் ஆகிய 3 பேரையும் தகாத வார்த்தைகளால் திட்டியுள்ளனர். பின்னர் அவர்களை குச்சி மற்றும் கத்தியால் தாக்கியுள்ளனர்.
3 பேர் கைது
இதில் பலத்த காயமடைந்த 3 பேரும் குளித்தலை அரசு மருத்துவமனையில் சிகிச்சை பெற்றனர். பின்னர் மேல் சிகிச்சைக்கு கரூர் அரசு மருத்துவமனைக்கு கொண்டு செல்லப்பட்டனர். அங்கு அவர்களுக்கு சிகிச்சை அளிக்கப்பட்டு வருகிறது.
இந்த சம்பவம் குறித்து லாலாபேட்டை போலீசார் வழக்குப்பதிவு செய்து கணவன்-மனைவியை தாக்கிய தன்ராஜ், தமிழரசன், படையப்பா ஆகிய 3 பேரை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
