<
வாலிபரை சுட்டுக்கொன்ற வழக்கில் மேலும் ஒருவர் சிக்கினார்
வாலிபரை சுட்டுக்கொன்ற வழக்கில் மேலும் ஒருவர் சிக்கினார்
குள்ளனம்பட்டி:
திண்டுக்கல் மேற்கு மரியநாதபுரம் செட்டிகுளம் அருகே, கடந்த 2-ந்தேதி நள்ளிரவில் ராகேஷ்குமார் (வயது 26) என்பவர் துப்பாக்கியால் சுடப்பட்டும், அரிவாளால் வெட்டியும் படுகொலை செய்யப்பட்டார்.
இதுதொடர்பாக திண்டுக்கல் தாலுகா போலீசார் வழக்குப்பதிவு செய்து விசாரணை நடத்தினர். விசாரணையில் செட்டிகுளத்தில் மீன்பிடிக்க குத்தகை எடுத்ததில் அதே பகுதியை சேர்ந்த பிரகாஷ் என்பவருடன் ஏற்பட்ட மோதலில் துப்பாக்கியால் ராகேஷ்குமார் கொலை செய்யப்பட்டது தெரியவந்தது.
இதனையடுத்து இந்த வழக்கில் தொடர்புடைய திண்டுக்கல் மேற்கு மரியநாதபுரத்தை சேர்ந்த பிரகாஷ் (36), மரிய பிரபு (37), ஜான் சூர்யா (27), ஜிம்ஜான் (43), ஆட்டோ ஆனந்த் (43), இருதயராஜ் (35), பாஸ்டின் நேபக் (27), சிங்கராயர் (41), பாலகிருஷ்ணாபுரத்தை சேர்ந்த கணேசமூர்த்தி (23) ஆகிய 9 பேரை போலீசார் கைது செய்தனர்.
மேலும் இந்த வழக்கில் தலைமறைவாக இருந்த ஆட்டோ டிரைவர் லியோ சாண்டிலியன் (28) என்பவரை போலீசார் தேடி வந்தனர். இந்த நிலையில் திண்டுக்கல்- நத்தம் சாலையில் ரெட்டியபட்டி அருகே பதுங்கி இருந்த அவரை நேற்று முன்தினம் தனிப்படை போலீசார் கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
