<
வெறிச்சோடி காணப்பட்ட பூ மார்க்கெட்
வழிபாட்டு தலங்கள் மூடப்பட்டதால் பூ மார்க்கெட் வெறிச்சோடி காணப்பட்டது.
தஞ்சாவூர்:
வழிபாட்டு தலங்கள் மூடப்பட்டதால் பூ மார்க்கெட் வெறிச்சோடி காணப்பட்டது.
பூ மார்க்கெட்
தஞ்சை பூக்காரத்தெருவில் பூ மார்க்கெட் உள்ளது. இங்கு 60 கடைகள் உள்ளன. இந்த மார்க்கெட்டுக்கு திண்டுக்கல், நிலக்கோட்டை, சேலம், ஓசூர், கிருஷ்ணகிரி, தர்மபுரி மற்றும் தஞ்சை மாவட்டத்தின் பல்வேறு பகுதிகளில் இருந்து பூக்கள் விற்பனைக்கு கொண்டு வரப்படும்.
இங்கிருந்து வேளாங்கண்ணி, நாகை, வேதாரண்யம், மன்னார்குடி, திருத்துறைப்பூண்டி, அரியலூர், திருமானூர், கந்தர்வக்கோட்டை, அம்மாப்பேட்டை, சாலியமங்கலம், கும்பகோணம் உள்ளிட்ட பகுதிகளுக்கு பூக்கள் விற்பனைக்கு அனுப்பி வைக்கப்படுகிறது.
விற்பனை சரிவு
பண்டிகை காலங்களிலும், முகூர்த்த தினத்தன்றும் பூக்கள் விலை அதிகமாக இருக்கும். ஆனால் வழிபாட்டு தலங்களை வெள்ளி, சனி, ஞாயிற்றுக்கிழமைகளில் மூட தமிழகஅரசு உத்தரவு பிறப்பித்துள்ளதால் பூக்கள் விற்பனையில் சரிவு ஏற்பட்டுள்ளது.
பூக்களை வாங்குவதற்கு மக்கள் ஆர்வம் காட்டவில்லை. இதனால் பூக்களை வாங்குவதற்கும் வியாபாரிகள் அதிக ஆர்வம் காட்டவில்லை. குறைந்த அளவிலான பூக்களையே வாங்கினர். சில விவசாயிகள் கொண்டு வந்த பூக்களை வாங்காமல் திருப்பி அனுப்பி விட்டனர்.
வெறிச்சோடியது
பூக்கள் வாங்க மக்கள் ஆர்வம் காட்டாததால் பூ மார்க்கெட் வெறிச்சோடி காணப்பட்டது. பூக்களின் விலையும் குறைந்து இருந்தது. நேற்று முன்தினம் ரூ.2 ஆயிரத்திற்கு விற்பனையான மல்லிகைப்பூ, முல்லைப்பூ நேற்று ரூ.1,500-க்கு விற்பனையானது. ரூ.1,200-க்கு விற்ற ஜாதிமுல்லை ரூ.700-க்கும், ரூ.200-க்கு விற்ற அரளி ரூ.100-க்கும், ரூ.1,000-க்கு விற்ற கனகாம்பரம் ரூ.500-க்கும், ரூ.100-க்கு விற்ற செவ்வந்தி ரூ.60-க்கும், ரூ.150-க்கு விற்ற சம்பங்கி ரூ.80-க்கும் விற்பனையானது.
இது குறித்து பூ வியாபாரிகள் கூறும்போது, 10-ல் ஒரு பங்கு தான் பூக்கள் விற்பனையானது. பூக்களை வாங்க மக்கள் ஆர்வம் காட்டாததால் பூக்களை அதிகஅளவில் நாங்களும் வாங்கவில்லை. ஒரு வியாபாரிக்கு குறைந்தபட்சம் ரூ.7 ஆயிரம் வர நஷ்டம் ஏற்பட்டுள்ளது. வழிபாட்டு தலங்களை திறந்தால் தான் பூக்கள் விற்பனை சீராகும் என்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
