சத்தியமங்கலத்தில் மல்லிகைப்பூ கிலோ ரூ.1,680-க்கு ஏலம்

சத்தியமங்கலம்

சத்தியமங்கலத்தில் கரட்டூர் ரோட்டில் பூ மார்க்கெட் உள்ளது. இங்கு நாள்தோறும் காலை 7 மணி முதல் மதியம் 2 மணி வரை பூக்கள் ஏலம் நடைபெறும். நேற்று நடந்த ஏலத்துக்கு சத்தியமங்கலம் மற்றும் சுற்றுவட்டார பகுதியில் உள்ள 30 கிராமங்களை சேர்ந்த விவசாயிகள் 2½ டன் பூக்களை கொண்டு வந்திருந்தார்கள். இந்த ஏலத்தில் மல்லிகைப்பூ ஒரு கிலோ ரூ.1,680-க்கும், முல்லை ரூ.640-க்கும், காக்கடா ரூ.750-க்கும், செண்டுமல்லி ரூ.100-க்கும், பட்டுப்பூ ரூ.30-க்கும், ஜாதிமல்லி ரூ.650-க்கும், கனகாம்பரம் ரூ.450-க்கும், சம்பங்கி ரூ.15-க்கும், அரளி ரூ.100-க்கும், துளசி ரூ.30-க்கும், செவ்வந்தி ரூ.100-க்கும் ஏலம் போனது.