தினத்தந்தி புகார் பெட்டி

மின்கம்பம் சீரமைக்கப்பட்டது

தஞ்சை மாவட்டம் ஒரத்தநாடு பகுதி சந்தைப்பேட்டையில் மின்கம்பம் ஒன்று பராமரிப்பின்றி சாய்ந்த நிலையில் இருந்தது. இதனால் மின்கம்பம் எப்போது வேண்டுமானாலும் கீழே விழுந்து விடும் நிலை ஏற்பட்டிருந்தது. இதன் காரணமாக பொதுமக்கள் அந்த பகுதியை அச்சத்துடன் கடந்து சென்று வந்தனர். இதுகுறித்து "தினத்தந்தி" புகார் பெட்டியில் படத்துடன் செய்தி வெளியிடப்பட்டது. இதைத்தொடர்ந்து சாய்ந்த நிலையில் இருந்த மின்கம்பம் நேராக நிமிர்த்தப்பட்டு சீரமைக்கப்பட்டது. இதனால் மகிழ்ச்சி அடைந்த பொதுமக்கள் செய்தி வெளியிட்ட "தினத்தந்தி" நாளிதழுக்கும், நடவடிக்கை எடுத்த அதிகாரிகளுக்கும் நன்றியையும், பாராட்டையும் தெரிவித்துள்ளனர்.

-சந்தைப்பேட்டை பகுதி மக்கள், ஒரத்தநாடு.