<
மொரப்பூர் பகுதிகளில் வெவ்வேறு விபத்துகளில் தொழிலாளி உள்பட 2 பேர் சாவு
மொரப்பூர் பகுதிகளில் நடந்த வெவ்வேறு விபத்துகளில் தொழிலாளி உள்பட 2 பேர் இறந்தனர்.
மொரப்பூர்:
மொரப்பூர் பகுதிகளில் நடந்த வெவ்வேறு விபத்துகளில் தொழிலாளி உள்பட 2 பேர் இறந்தனர்.
தொழிலாளி
மொரப்பூர் அருகே உள்ள கீழ் மொரப்பூரை சேர்ந்தவர் வெங்கடேசன் (வயது 32). கூலித்தொழிலாளி. இவர் நேற்று முன்தினம் இரவு மொரப்பூரில் இருந்து மோட்டார் சைக்கிளில் ஊருக்கு சென்று கொண்டிருந்தார். அப்போது இவரது மோட்டார் சைக்கிளும், எதிரே வந்த மோட்டார் சைக்கிளும் மோதி கொண்டன.
இந்த விபத்தில் படுகாயமடைந்த வெங்கடேசனை அக்கம் பக்கத்தினர் மீட்டு அரூர் அரசு மருத்துவமனையில் சேர்த்தனர் அங்கு சிகிச்சை பலனின்றி அவர் பரிதாபமாக இறந்தார். மற்றொரு மோட்டார் சைக்கிளில் வந்தவர் லேசான காயம் அடைந்தார். இந்த குறித்து மொரப்பூர் போலீசார் வழக்குப்பதிவு செய்து விசாரணை நடத்தி வருகின்றனர்.
துணிக்கடை ஊழியர்
மொரப்பூர் அருகே உள்ள தாசரஅள்ளி கிராமத்தை சேர்ந்தவர் வடிவேல் (47). இவர் தர்மபுரியில் உள்ள ஒரு துணிக்கடையில் ஊழியராக வேலை செய்து வந்தார். நேற்று முன்தினம் இரவு இவர் வேலையை முடித்துவிட்டு மோட்டார் சைக்கிளில் வீட்டுக்கு வந்து கொண்டு இருந்தார்.
ஒடசல்பட்டி அருகே உள்ள ஆலமரத்துப்பட்டி பஸ் நிறுத்தம் அருகில் வந்தபோது சாலையோரம் இருந்த எல்லை கல் மீது மோட்டார் சைக்கிள் மோதியது. இந்த விபத்தில் படுகாயம் அடைந்த வடிவேல் சம்பவ இடத்திலேயே இறந்தார். இந்த விபத்து குறித்து மொரப்பூர் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
