<
மோட்டார் சைக்கிளில் இருந்து தவறி விழுந்து பள்ளி ஆசிரியர் சாவு
நாய் குறுக்கே சென்றதால் மோட்டார் சைக்கிளில் இருந்து தவறி விழுந்து பள்ளி ஆசிரியர் இறந்தார்.
பரமக்குடி,
நாய் குறுக்கே சென்றதால் மோட்டார் சைக்கிளில் இருந்து தவறி விழுந்து பள்ளி ஆசிரியர் பரிதாபமாக இறந்தார்.
விளையாட்டு ஆசிரியர்
ராமநாதபுரம் மாவட்டம் பரமக்குடி அருகே உள்ள சோமநாதபுரம் நிலா நகரை சேர்ந்தவர் ரமேஷ் (வயது 38). இவர் பரமக்குடியில் உள்ள தனியார் பள்ளி ஒன்றில் விளையாட்டு ஆசிரியராக பணியாற்றி வந்தார்.
இந்த நிலையில் நேற்று முன்தினம் ரமேஷ் அவரது உறவினர் இறந்த 15-ம் நாள் காரியத்திற்கு மோட்டார் சைக்கிளில் வீட்டிலிருந்து சேமனூர் கிராமத்திற்கு சென்று கொண்டிருந்தார்.
சாவு
அப்போது பரமக்குடி அருகே தினைக்குளம் சாலையில் சென்றபோது அந்த வழியாக வந்த நாய் ஒன்று திடீரென மோட்டார் சைக்கிளின் குறுக்கே பாய்ந்தது. இதில் நிலை தடுமாறிய அவர் நாய் மீது மோதி மோட்டார் சைக்கிளில் இருந்து கீழே விழுந்தார்.
இதில் அவருக்கு தலையில் பலத்த அடிபட்டு பரமக்குடி அரசு மருத்துவமனையில் சிகிச்சைக்காக அனுமதிக்கப்பட்டார். பின்பு மேல் சிகிச்சைக்காக மதுரை அரசு மருத்துவமனைக்கு கொண்டு சென்றனர். ஆனால் அங்கு சிகிச்சை பலனின்றி அவர் நேற்று காலை பரிதாபமாக இறந்தார்.
இதுகுறித்து அவரது மனைவி தீபா (32) கொடுத்த புகாரின் பேரில் பரமக்குடி தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.
--------
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
