மோட்டார்சைக்கிள்கள் மோதல் தனியார் நிறுவன ஊழியர் பலி

நத்தம்:
நத்தம் அண்ணாநகரை சேர்ந்தவர் சண்முகபாண்டியன் (வயது 26). தனியார் நிறுவன ஊழியர். இவர் கடந்த 8-ந்தேதி மோட்டார்சைக்கிளில் மதுரை நோக்கி சென்று கொண்டிருந்தார். நத்தம்-மதுரை ரோட்டில் வீமாஸ் நகர் பகுதியில் சென்றபோது இடையபட்டியில் இருந்து நத்தம் நோக்கி ராமர் என்பவர் ஓட்டி வந்த மற்றொரு மோட்டார்சைக்கிள் அவர் மீது மோதியது. இதில் சண்முகபாண்டியன் பலத்த காயமடைந்தார். இதையடுத்து அவர் சிகிச்சைக்காக மதுரை தனியார் மருத்துவமனையில் அனுமதிக்கபட்டார். இந்தநிலையில் அங்கு சிகிச்சை பலனின்றி நேற்று சண்முகபாண்டியன் பரிதாபமாக இறந்து விட்டார். இதுகுறித்து நத்தம் போலீசார் வழக்குப்பதிவு செய்து விசாரணை நடத்தி வருகின்றனர்.