லாரியில் ஏறிய போது தவறி விழுந்த தொழிலாளி சாவு

திங்கள்சந்தை:

திங்கள் சந்தை அருகே செட்டியார்மடம் வலியவிளை பகுதியை சேர்ந்தவர் ராஜூ. இவருடைய மகன் அனீஷ் (வயது27), தொழிலாளி. இவர் கடந்த 22-ந் தேதி பூச்சாஸ்தான்விளையில் நின்று கொண்டு இருந்த லாரியில் கம்புகள் இறக்குவதற்காக ஏறினார். அப்போது அவர் தலை சுற்றி தவறி விழுந்ததாக கூறப்படுகிறது. இதில் அனீஷ் தலை குப்புற விழுந்ததில் கழுத்தின் பின்பக்க தண்டுவடத்தில் பலத்த காயம் ஏற்பட்டது.

உடனடியாக அவரை அருகில் இருந்தவர்கள் மீட்டு ஆசாரிபள்ளம் மருத்துவக்கல்லூரி ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளித்தும் பலனின்றி நேற்று காலை அனீஷ் பரிதாபமாக இறந்தார். இது குறித்து அனீஷின் தாயார் செல்வி இரணியல் போலீசில் புகார் செய்தார். அதன்பேரில் போலீசார் வழக்கு பதிவு செய்து விசாரணை நடத்தி வருகிறார்கள்.