கார்-மோட்டார் சைக்கிள் மோதல்; போலீஸ் சூப்பிரண்டு அலுவலக ஊழியர் பலி

செம்பட்டி:
செம்பட்டி அருகே உள்ள எஸ்.பாறைப்பட்டியை சேர்ந்தவர் சுந்தரபாண்டியன் (வயது 41). இவர், திண்டுக்கல் மாவட்ட போலீஸ் சூப்பிரண்டு அலுவலகத்தில் இளநிலை உதவியாளராக பணிபுரிந்து வந்தார். நேற்று காலை இவர், பணிக்கு தனது மோட்டார் சைக்கிளில் திண்டுக்கல் நோக்கி சென்று கொண்டிருந்தார்.
திண்டுக்கல்லை அடுத்த மீனாட்சிநாயக்கன்பட்டி அருகே வந்தபோது அந்த வழியாக சென்ற கார், மோட்டார் சைக்கிள் மீது பயங்கரமாக மோதியது. இந்த விபத்தில் படுகாயம் அடைந்த சுந்தரபாண்டியனை அக்கம்பக்கத்தினர் மீட்டு சிகிச்சைக்காக திண்டுக்கல் அரசு மருத்துவமனையில் சேர்த்தனர். அங்கு சிகிச்சை பலன் இன்றி அவர் பரிதாபமாக இறந்தார்.