<
லாரி-மொபட் மோதல்; விவசாயி பலி
சேர்ந்தமரம் அருகே லாரி, மொபட் மோதிக் கொண்ட விபத்தில் விவசாயி பரிதாபமாக இறந்தார்.
சுரண்டை:
சுரண்டையை அடுத்த சேர்ந்தமரம் அருகே உள்ள துரைச்சாமிபுரத்தைச் சேர்ந்தவர் சுப்பையா (வயது 58), விவசாயி. இவருடைய மனைவி லக்கம்மாள். இவர்களது மருமகளுக்கு சேர்ந்தமரம் அரசு ஆஸ்பத்திரியில் குழந்தை பிறந்துள்ளது. நேற்று முன்தினம் மாலையில் தனது பேரக் குழந்தையை பார்க்க சுப்பையா தனது மொபட்டில் சென்றார்.
பின்னர் இரவு 9 மணி அளவில் துரைசாமிபுரத்துக்கு திரும்பி வந்துகொண்டிருந்தார். அப்போது எதிர்பாராதவிதமாக எதிரே வந்த லாரியில் மோதியதில் தூக்கி எறியப்பட்டு சம்பவ இடத்திலேயே சுப்பையா பரிதாபமாக இறந்தார்.
இதுபற்றிய தகவல் அறிந்ததும் சேர்ந்தமரம் போலீஸ் சப்-இன்ஸ்பெக்டர் வேல்பாண்டியன் மற்றும் போலீசார் சம்பவ இடத்துக்கு விரைந்து வந்தனர். அவரது உடலை கைப்பற்றி பிரேத பரிசோதனைக்காக சங்கரன்கோவில் அரசு ஆஸ்பத்திரிக்கு அனுப்பி வைத்தனர். மேலும் இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
