<
பசு உதைத்து விவசாயி பலி
நத்தம் அருகே பசு எட்டி உதைத்ததில் படுகாயம் அடைந்த விவசாயி பலியானார்.
செந்துறை:
நத்தம் தாலுகா குடகிப்பட்டி அருகே உள்ள குப்பிளியபட்டியை சேர்ந்தவர் குருசாமி (வயது 50). விவசாயி. இவர், பசுமாடுகளை வளர்த்து வந்தார்.
வழக்கம்போல் நேற்று இவர், மாடுகளுக்கு தீவனம் வைக்க சென்றார். அப்போது எதிர்பாராத விதமாக குருசாமியை பசு ஒன்று எட்டி உதைத்து கீழே தள்ளியது. இதில் அவருக்கு தலையில் பலத்த காயம் ஏற்பட்டது. அக்கம்பக்கத்தினர் அவரை மீட்டு சிகிச்சைக்காக, திண்டுக்கல் அரசு மருத்துவமனையில் சேர்த்தனர். அங்கு சிகிச்சை பலனின்றி குருசாமி பரிதாபமாக இறந்தார்.
இதுகுறித்து நத்தம் போலீசார் வழக்குப்பதிவு செய்து விசாரணை நடத்தி வருகின்றனர். இறந்துபோன குருசாமிக்கு லட்சுமி என்ற மனைவியும், ஒரு மகனும் உள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
