மோட்டார் சைக்கிளில் இருந்து தவறி விழுந்த பெண் சாவு

திருச்சி மாவட்டம், நவல்பட்டு அருகே உள்ள காந்தலூர் கிராமத்தை சேர்ந்தவர் தினேஷ் (வயது 35). விவசாயியான இவரும், இவரது மனைவி சுகன்யாவும்(30) நேற்று முன்தினம் மாலை சொந்த வேலை காரணமாக விமான நிலையம் பகுதிக்கு ஒரு மோட்டார் சைக்கிளில் சென்றனர். பின்னர் அங்கிருந்து இருவரும் புறப்பட்டு வீட்டிற்கு சென்று கொண்டிருந்தனர். அன்று இரவு 9 மணி அளவில் மாத்தூர் அருகே தஞ்சாவூர் ரிங் ரோட்டில் அவர்கள் சென்று கொண்டிருந்தபோது எதிர்பாராத விதமாக திடீரென மோட்டார் சைக்கிளில் இருந்து சுகன்யா தவறி கீழே விழுந்தார். இதில் தலையில் பலத்த அடிபட்டு காயமடைந்த சுகன்யாவை 108 ஆம்புலன்ஸ் மூலம் சிகிச்சைக்காக திருச்சி அரசு மருத்துவமனைக்கு அனுப்பி வைத்தனர். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். இதுகுறித்து மாத்தூர் போலீசார் வழக்குப்பதிவு செய்து விசாரணை நடத்தி வருகின்றனர்.