விவசாயி தூக்குப்போட்டு தற்கொலை

அரவக்குறிச்சி அருகே உள்ள ஆண்டிபட்டி கோட்டையை சேர்ந்தவர் பழனிசாமி(வயது 60). விவசாயி. இவர் நேற்று காலை அரவக்குறிச்சி அருகே தேசிய நெடுஞ்சாலையில் சாலையோரத்தில் உள்ள ஒரு மரத்தில் தூக்கில் பிணமாக தொங்கி உள்ளார். இதனை பார்த்த அந்த வழியாக சென்றவர்கள் உடனே இதுகுறித்து அரவக்குறிச்சி போலீஸ் நிலையத்திற்கு தகவல் தெரிவித்தனர். தகவல் அறிந்த அரவக்குறிச்சி போலீசார் சம்பவ இடத்திற்கு விரைந்து சென்று, பழனிசாமியின் உடலை கைப்பற்றி பிரேத பரிசோதனைக்காக அரவக்குறிச்சி அரசு மருத்துவமனைக்கு அனுப்பி வைத்தனர். பின்னர் இதுகுறித்து அரவக்குறிச்சி போலீசார் வழக்குப்பதிவு செய்து விசாரணை நடத்தி வருகின்றனர்.