புதுக்கோட்டையில் கொரோனாவுக்கு ஒருவர் பலி

புதுக்கோட்டை மாவட்டத்தில் கொரோனா தொற்று பரவல் குறைந்து வருகிறது. இந்த நிலையில் மாவட்டத்தில் நேற்று புதிதாக 22 பேருக்கு கொரோனா தொற்று உறுதியாகி இருந்தது. இதனால் மாவட்டத்தில் கொரோனா பாதித்தவர்களின் எண்ணிக்கை 34 ஆயிரத்து 331 ஆக அதிகரித்துள்ளது. மாவட்டத்தில் கொரோனா சிகிச்சையில் 164 பேர் குணமடைந்தனர். இதனால் குணமடைந்தோர் எண்ணிக்கை 33 ஆயிரத்து 469 ஆக உயர்ந்துள்ளது.

இந்த நிலையில் கொரோனா தொற்று பாதிப்புக்கு புதுக்கோட்டையை சேர்ந்த 52 வயது ஆண் ஒருவர் திருச்சி தனியார் மருத்துவமனையில் சிகிச்சை பெற்று வந்த நிலையில் அவர் பரிதாபமாக இறந்தார். இதனால் கொரோனாவுக்கு உயிரிழந்தவர்களின் எண்ணிக்கை 424 ஆக உயர்ந்தது. மாவட்டத்தில் கொரோனாவுக்கு 438 பேர் சிகிச்சை பெற்று வருகின்றனர்.