<
நாட்டறம்பள்ளி, ஆம்பூருக்கு வீரமங்கை வேலு நாச்சியார் அலங்கார ஊர்தி வருகை
ஜோலார்பேட்டை மற்றும் ஆம்பூருக்கு வீரமங்கை வேலு நாச்சியார் அலங்கார ஊர்தி வந்தது. இதனை பொதுமக்கள் பார்வையிட்டனர்.
ஜோலார்பேட்டை
ஜோலார்பேட்டை மற்றும் ஆம்பூருக்கு வீரமங்கை வேலு நாச்சியார் அலங்கார ஊர்தி வந்தது. இதனை பொதுமக்கள் பார்வையிட்டனர்.
வேலுநாச்சியார் அலங்கார ஊர்தி
சென்னையில் நடைபெற்ற குடியரசு தின அணிவகுப்பில் பங்கேற்ற வீரமங்கை ராணி வேலு நாச்சியார் அலங்கார ஊர்தி நேற்று முன்தினம் திருப்பத்தூர் மாவட்டத்திற்குவந்தது. மாவட்ட எல்லையான நாட்டறம்பள்ளி வட்டம் வெலகல்நத்தம் ஊராட்சியில் உள்ள லட்சுமிபுரம் பகுதியில் உள்ள தேசிய நெடுஞ்சாலையில் திருப்பத்தூர் மாவட்ட கலெக்டர் அமர்குஷ்வாஹா, மாவட்ட போலீஸ் சூப்பிரண்டு பாலகிருஷ்ணன் தலைமையில் மலர் தூவி பாரம்பரிய மகளிர் நடனத்துடன் வரவேற்றனர்.
அதன் பிறகு நாட்டறம்பள்ளி ஏரிக்கோடி அருகே நிறுத்தி வைக்க பட்ட அலங்கார ஊர்திக்கு வாணியம்பாடி துணைபோலீஸ் சூப்பிரண்டு சுரேஷ் பாண்டியன், நாட்டறம்பள்ளி இன்ஸ்பெக்டர் சாந்தி, சப்-இன்ஸ்பெக்டர் முனிரத்தினம் மற்றும் போலிசார் 50- க்கும் மேற்பட்டோர் பாதுகாப்பு பணியில் ஈடுபட்டனர்.
பொதுமக்கள் பார்வையிட்டனர்
வேலு நாச்சியார் அலங்கார ஊர்தியில் வீரமங்கை வேலு நாச்சியார், வீரபாண்டிய கட்டபொம்மன், மருது சகோதரர்கள், ஆங்கிலேயர்கள் தூக்கிலிடப்பட்ட காட்சி, வீரன் சுந்தரலிங்கம், வீரத்தாய் குயிலி, பூலித்தேவன், ஒண்டிவீரன், வீரன் அழகு முத்துக்கோன், காளையர் கோயில் கோட்டையின் மீது வீரர்கள் ஆங்கிலேயர்களிடம் சண்டையிடும் காட்சி ஆகியவை இடம் பெற்றுள்ளது.
இதனை காண நேற்று காலை 9 மணி முதல் 12 மணி வரை நாட்டறம்பள்ளி மற்றும் அதனை சுற்றியுள்ள பல்வேறு பகுதிகளில் இருந்து ஏராளமான பொதுமக்கள் மற்றும் பள்ளி மாணவ- மாணவிகள் பார்த்து சென்றனர் அப்போது பல்வேறு துறையினர் கலைநிகழ்ச்சிகள் நடைபெற்றது.
திருப்பத்தூர் மாவட்ட வருவாய் அலுவலர் தங்கையாபாண்டியன், சப்-கலெக்டர் லட்சுமி, நாட்டறம்பள்ளி தாசில்தார் பூங்கொடி உள்ளிட்ட பலர் கலந்து கொண்டனர்.
ஆம்பூர்
பிற்பகல் 3 மணி அளவில் வீரமங்கை வேலுநாச்சியார் அலங்கார ஊர்தி ஆம்பூருக்கு வந்தது. அலங்கார ஊர்த்திக்கு சிறப்பான வரவேற்பு அளிக்கப்பட்டது. தீயணைப்பு, மருத்துவம், வருவாய் மற்றும் ஊரக வளர்ச்சித் துறை உள்ளிட்ட அனைத்துத் துறையினரும் அங்கு முகாமிட்டிருந்தனர்.
பொதுமக்கள் பார்வைக்காக அலங்கார ஊர்தி சில மணி நேரம் நிறுத்தப்பட்டது. வரவேற்பு நிகழ்ச்சியில் வாணியம்பாடி கோட்டாட்சியர் காயத்ரி சுப்பிரமணியன், ஆம்பூர் நகராட்சி ஆணையாளர் ஷகிலா, தாசில்தார் ஆனந்த கிருஷ்ணன், போலீசார் மற்றும் அதிகாரிகள் உள்ளிட்ட பலர் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
